Cilet Jemi

OPERATORI I SISTEMIT TË SHPËRNDARJES SH.A. ( “OSSH” )  është person juridik i regjistruar në Shqipëri, i cili funksionon si shoqëri aksionare, e organizuar  në përputhje me parashikimet e Ligjit Nr. 9901, date 14.4.2008 “Për Tregtarët dhe Shoqëritë Tregtare” ( i ndryshuar).
Shoqëria “OSSH” Sh.A. është regjistruar si person juridik, në Regjistrin Tregtar të mbajtur nga Qendra Kombëtare e Biznesit me Numër Unik të Identifikimit (NIPT) L81530018E në  adresen: Bulevardi “Gjergj Fishta”, Ndërtesa Nr. 88, H. 1, Kati V, Njësia Administrative Nr. 7, 1023, Tiranë,.

Shoqëria OSSH SH.A. është pjesë e “OSHEE GROUP” SH.A., e cila është një shoqëri aksionare me me dy nivele administrimi dhe aksionar i vetëm i  shoqërive me një nivel administrimi “OSSH” SH.A., “FSHU” SH.A. dhe “FTL” SH.A..

Aktiviteti i shoqërisë “OSSH” SH.A. konsiston në shpërndarjen e energjisë elektrike, ndërtimin, funksionimin dhe mirëmbajtjen e rrjetit të shpërndarjes së energjisë elektrike për sigurimin e energjisë elektrike klientëve, lidhjen e klientëve dhe përdoruesve të rrjetit të shpërndarjes së energjisë elektrike, instalimin dhe shërbimet e matjes së energjisë elektrike, si dhe çdo aktivitet tjetër fitimprurës me interes për shoqërinë.

Në vijim të procesit të ndarjes së aktivitetit të shpërndarjes sipas përcaktimeve të pika 1 të nenit 72, Ligji 43/2015 “Për Sektorin e Energjisë”, Urdhrit të Ministrit të Infrastrukturës dhe Energjisë Nr. 157 dt. 12.02.2018 dhe Vendimit të Bordit të Komisionerëve të Entit Rregullator Nr. 211 datë 18.12.2019 “Mbi shtyrjen e periudhës tranzitore për bërjen efektive të transferimit të:

Licencës së operimit të sistemit të shpërndarjes së energjisë elektrike, të shoqërisë Operatori i Shpërndarjes së Energjisë Elektrike Sh.A (OSHEE Sh.A), tek shoqëria Operatori i Sistemit te Shpërndarjes” Sh.A (OSSH Sh.A);

Me Vendimin Nr. 216, datë 11.10.2018 të Bordit të ERE-s “Mbi transferimin e licencës për operimin e sistemit të shpërndarjes së energjisë elektrike, të shoqërisë Operatori i Shpërndarjes së Energjisë Elektrike sh.a. (OSHEE sh.a.), me nr. 250, seria P14SH, miratuar me vendimin e bordit të komisionerve të ERE-s nr.96 datë 27.10.2014, licenca me vlefshmëri deri me datë 27.10.2044 është transferuar tek shoqëria “Operatori i Sistemit të Shpërndarjes” SH.A. (OSSH SH.A.).